Cinetura: del cine a la literatura é un proxecto galego desenvolvido no IES de Poio pola profesora de Latín Carmen Fernández e a profesora de Galego e encargada da biblioteca do centro Anxos Rial. No proxecto participaron Katalin Kanozsay, profesora en Komárno, Eslovaquia, e Laura Carbonelli e Giacinta Mecucci , profesoras en Roma que contaron coa colaboración de outras colegas do seu instituto
O proxecto acadou o Selo de Calidade Nacional en Eslovaquia, Italia e España, ademáis do Premio Nacional en Eslovaquia e España.
Cinetura foi proxecto do mes en España
O proxecto consistíu no traballo do alumnado partindo de obras literarias que foron levadas ao cine.
En Poio algúns dos alumnos do proxecto estaban nun club de lectura de forma que o noso proxecto tiña tamén a súa conexión coa actividade da biblioteca do noso centro. No instituto italiano desenvolveuse unha fase do proxecto en inglés.
O proxecto contou cunha planificación detallada e cada unha das fases abordadas atópase recollida e descrita nunha ferramenta denominada Myhistro que permite incrustar elementos multimedia nunha liña temporal virtual.
O uso de ferramentas TIC foi moi amplo e variado. Os materiais que ían producindo os alumnos, en gran parte colaborativos, ían sendo publicados no Twinspace
Decidimos ordenar a nosa páxina web por ferramentas TIC, de modo que os alumnos tivesen alí unha especie de muestrario das diferentes opcións de traballo.
O alumnado traballou recreando escenas de novelas e películas, poñendo a súa creatividade en acción.
Traballamos competencias como a lingüística, de tratamento da información e digital, a cultural e artística ou a autonomía e iniciativa persoal.
Cada novela e película suxeríanos actividades novedosas para os alumnos, algo do que podemos citar algúns exemplos: coa Lingua das bolboretas entrevistaron aos seus avós acerca da escola en tempos pasados. El amor en los tiempos del cólera levounos a elaborar enquisas e logo gráficos sobre usos amorosos nos tres países.
Participar á vez no club de lectura da biblioteca enriqueceu e facilitou o noso traballo e permitiunos outras formas de difusión do mesmo.
Sem comentários:
Enviar um comentário