O proxecto "Como funciona? / Comment ça marche?" xorde a partir dunha idea de colaboración entre a profesora de matemáticas Mª Jesús Casado, do IES Daviña Rey de Monforte de Lemos e a profesora de lingua española Valerie Lagrave, do Collège Louise Michel, L'Isle Jourdain, en Francia, para promover o uso do francés e do castelán a través do traballo en equipo.
No IES
Daviña Rey, axudaron no desenvolvemento os profesores do
departamento de Francés: Toñi Caldas, Ana Rego e Vicente Docasar.
Os alumnos participantes foron os de 1º de ESO e os do colexio
francés os de 3º de ESO.
As
actividades se desenvolveron dentro das materias de proxecto
interdisciplinar e Lingua estranxeira, respectivamente.
O proxecto
consistiu na elaboración de vídeos dun aparello do entorno cotián
do alumno nos que o audio describía o seu funcionamento. Os vídeos
realizáronse por equipos formados por alumnos de ambos países. Cada
equipo aportou unha idea orixinal na gravación das imaxes que os
compañeiros do país colaborador tiveron que comentar no idioma dos
primeiros e viceversa. En total cada equipo elaborou dous vídeos nos
que realizou, ou ben a imaxe ou ben o audio.
Non
tódolos vídeos responderon á pregunta “como funciona?” Algún
axéitase mais á pregunta “que é?” pero en todo caso as
situacións recollidas son do máis diverso, dende un forno de leña,
até doces para botar no champagne, pasando pola elaboración dun
fouciño ou dunha mosca de pesca. Invitámosvos a velos nosos videos,
ben no canal de youtube
ou no TwinSpace.
Para a
montaxe e publicación dos vídeos empregáronse programas de son
(Audacity) e de vídeo (Avidemux, Windows Live Movie Maker).
A
experiencia levouse a cabo nos meses de abril, maio e xuño mentres
as profesoras realizábamos o curso de formación de eTwinning xa que
ambas eramos leigas no tema.
Tanto
alumnos como profesores valoramos moi positivamente o traballo
desenvolvido, e sobre todo o grao de interese tomado polos nenos e a
mellora na súa aprendizaxe.
O proxecto
mereceu os selos de calidade español, francés e europeo.
Sem comentários:
Enviar um comentário